笑到肚攣！港人惡搞國内同胞(圖)
日前有香港網民在FB上發帖，笑言協助國內同胞領取消費券。（圖片來源：臉書截圖）
港府口口聲聲苦窮，但發放消費券時，就連曾經在港工作、但已經離職並且返回內地長期定居的人都「太公分豬肉，人人有份」獲派1500元消費券。港府這份「大愛」也感染了不少香港人，決定「有樣學樣」
話説，日前有個網民在FB上發帖，表示「今日係街，有一家五口國內同胞問我，係咪可以用八達通拎消費券，我教左佢哋買五張新卡就可以拎，佢哋好高興咁多謝我。」
樓主最後表示：「幫到人我好開心」
貼文下邊有好多網民點讚同跟帖。好多人都大讚「樓主好好人，又幫人，好有愛心，香港人的榜樣。」
有網民就開玩笑表示：「你應該跟他們說，如果你存1000政府會給1000，存3000政府就給3000，總之存得越多，政府就給得越多……不過，一定要去到離島那間7-11先拎到」
更加有網民建議：「放上小紅書，寫篇《在香港如何拎消費券攻略》，包保多人看！」
嗱！特首先生，不要再說我們香港人歧視國內同胞啦，我們一定會幫你講好香港故事的。
（文章僅代表作者個人立場和觀點）