龍門老闆撐港：不談「經濟圈」 改說良心社區(圖)
黃到爆的龍門冰室老闆張俊傑認為，黃店更應利用額外所賺回饋抗爭者。他物色志同道合者建構「良心社區圈」，由各路導師教授年輕人一技之長。(圖片來源:視頻截圖)
【看中國2019年12月23日訊】人人吹捧反送中「黃色經濟圈」，排長龍撐黃店，黃到爆的龍門冰室老闆張俊傑卻有不同見解：他認為刻下劃分黃、藍店時太表面，應著重的是公司背景、紅色資金及有否賺人民幣等。他還認為黃店更應利用額外所賺回饋抗爭者，「點解你叫黃店？因為你要撐佢哋。」與其搞「黃色經濟圈」，他物色志同道合者建構「良心社區圈」，由各路導師教授年輕人一技之長，以在被政府封殺的社會自力更生，持守6個字：「唔好對唔住黃！」
龍門冰室老闆寄語黃店回饋運動：不要對不起黃
據香港《蘋果日報》報導，「如果要分黃藍，我覺得係7：3，（公司）背景係7，表面（行動）係3」。訪問在銅鑼灣龍門冰室進行，張俊傑坦言推掉了多個「黃色經濟圈」的傳媒約訪。
除了因為現時的黃藍分類太表面了，原來在張俊傑心目中，「黃色經濟圈」名稱改得好像只談消費、不重回饋，有點市儈。「點解會有黃店？因為你撐年輕人、撐抗爭者；好嘞，當你係黃店，賺多咗錢嘞，係咪應該要諗吓，點樣用返賺多咗嘅錢去幫呢班年輕人？你賺多咗嘅錢，唔好袋晒，袋一半吖，拎一半出嚟幫年輕人。」
張俊傑指北京正在抹殺15至30歲年輕一代的生存機會，「最好你哋﹙年輕人﹚唔好返學、冇知識，搵唔到食；就係想你哋死，死晒就換一批新血落嚟（香港），搞掂，大陸咗嘞，使乜搞反送中吖，搞掂咗你嘞。」
張俊傑認為當下首要協助年輕人「有返一雙手」，他正在建構的「良心社區圈」，就以培養年輕人一技之長為目標，與其派發現金券或飯券，不如讓他們自力更生，長遠則或設立基金，協助被捕者家人，甚或通過成立公司等創造就業機會。
張俊傑舉例：「假如一個律師、一個醫生，因為行出嚟坐咗監，出返嚟好難喺同行搵食，如果有個圈，可以畀返嘢佢哋做」，「我覺得咁先可以解決問題，唔係而家所講黃色經濟圈、撐黃店，好似只係一味賺多啲、賺多啲。」
建構「良心社區圈」 助年輕人有一技之長
他特別提到黃圈不可有「山頭主義」或「大台」：「要一齊喺圈內諗：點樣幫到班細路？」指長和系創辦人李嘉誠不怕北京，「都係因為佢有好多錢啫」，若黃圈夠大至財力可匹敵幾個李嘉誠，「使驚你一個中共咩！完全可以抵抗到」，並指北京擅長分散、擊破，說不定會向市民大派「藍色消費券」，抵消杯葛效果，故此必須擴大黃圈的實力。
別以為張俊傑只說不做，他有份創辦的「香港人嘅冰室資源分享中心」早已招攬導師教授年輕人手藝，在訪問期間便有良心花牌師傅冒昧致電，要自薦開班授徒作義賣。張收線後有感而發：「真係好多香港人想幫班細路！」
該中心近日便聘請年輕人陌生致電小店，邀請及協助登記為飲食界選民。張俊傑說，自己雖然反對功能組別，但是也認為要搶佔每個平台，「雖然嗰票唔應該存在，但嗰票都應該搶咗佢」，故此無論雞蛋仔舖或碗仔翅店，「搶得一票得一票」；他旗下餐廳也會登記，希望與行家一同抗衡建制派。
他承認有人叫他參選，但是至今希望多花時間協助年輕人，「想幫佢哋有就業多過從政」。似乎未完全落閘？「呢個問題，唔好答嘞！」