董建華三藩市行宮曝光

據最新一期一週刊報導，三藩市系老董第二個家，呢個行宮好豪，坐落市中心貴價區，豪宅名為Bridgeway Plaza，市值百五萬美金，樓高三層有成二千二百五十尺，推窗望正Bay Area無敵海景，又近漁人碼頭同Union Square。

老董夫婦對舊金山一直好有感情，當年老董東方海外三藩市office返工，三個仔女都當地出世。所以一直keep住間屋得閑就返住。

據舊金山二五仔透露，老董夫婦平日生活都好簡單，最愛去唐人街小菜館「嶺南小館」食飯，呢度唔算貴，包間房都系四百美金左右。

兩人最鍾意食就系豉油雞同燒蟹，聽聞董太就算唔得閑去，都會叫工人打包返屋企食。

自從老董做特首後，唯一唔同系就算董太幫襯去慣去熟「美孚」髮廊，都有保鑣陪出陪入。